ПРОЕКТ НА УСАИД ЗА КОНКУРЕНТНОСТ  

Проектот за конкурентност кој што започна во август 2007 година и ќе се спроведува пет години дава поддршка на иницијативи за поттикнување на странски и домашни инвестиции, идентификација на пазарите за извоз со повисока вредност, олеснување на тесните грла на ланците на снабдување и генерирање на значителен број на нови работни места во Македонија.

Проектот е целно воден од потребите на пазарот и насочен кон инвестиции. Во почетната фаза на проектот се изврши проценка на потенцијалот на индустријата во Македонија, проследено со проценка на меѓународните купувачи и инвеститори за да се идентификуваат области кои нудат можности за најголем потенцијал за директни странски инвестиции, зголемување на вработеноста и зголемена вредност на извозот. Избрани се најмалку три сектори, вклучувајќи:

• Информатичка и комуникациска технологија;
• Мода и дизајн (кој ги вклучува текстилната, чевларската и дрвната индустрија);
• Лесна индустрија (која ги вклучува елетромеханиката, индустријата за автомобилски делови, алати и бои).  

Активностите на Проектот не се ограничени само на овие сектори, туку ќе се земат во предвид и други сектори со поголем потенцијал за развој.

Нашиот придонес се состои во  техничка помош за поддршка на странски инвестиции и поголемо поврзување на македонските фирми во глобалните ланци на снабдување. Со остварените партнерства ќе се ублажат пречките и ќе се изградат капацитети во врска со:

• Развој на работна сила
• Продуктивност, ефикасност на ланците на снабдување и технологија
• Пристап до пазари и капитал        
• Инфраструктурни услуги, вклучувајќи  индустриски и логистички паркови

Проектот за конкурентност прима апликации за партнерство со водечки компании кои развиваат врски со добавувачи; инвеститори и ентитети кои промовираат инвестиции; деловни здруженија и групи; финансиски институции; и организации кои обезбедуваат образовни и инфраструктурни услуги. Комисијата за разгледување ќе избере партнерство со оние апликанти кои на најдобар начин ги задоволуваат следните критериуми:

• Да придонесат на забележителен начин за значителен број на нови инвестиции, создавање на нови работни места и извозна вредност
• Да понудат можни решенија за надминување на главните пречки во поглед на инвестиции и конкурентност во областите со најголем потенцијал за Македонија
• Да понудат кофинансирање и обвррзаност на партнерите, што исто така води кон одржлив капацитет

За да ги постигне свиоте амбициозни цели, Проектот за конкурентност на УСАИД ќе користи пристап кој е воден од потребите на пазарот и насочен кон инвестиции, фокусирајќи се на 3 пошироки иницијативи:

• Подобрување на промотивните канали за директни странски инвестиции, и изработка на наменски предлози за да се привлечат странски директни инвестиции
• Идентификација и развивање на водечките компании со најголем потенцијал во избраните области
• Разрешување на критичните пречки за  инвеститорите и водечките компании